„ჩვენი საქართველო - ლიდერობის ალიანსის“ პოლიტიკური საბჭოს თავმჯდომარის, ზვიად კვაჭანტირაძის თქმით, პარტიის წევრების მთავრი მიზანია, რომ პარტია არ იყოს ასოცირებული ერთი კაცის სახელთან. აღნიშნულზე კვაჭანტირაძემ გადაცემაში „პოლიტიკის ფორმულა“ ისაუბრა. როგორც კვაჭანტირაძემ გადაცემაში განაცხადა, დღესდღეობით ყველა პარტია ერთი ადამიანის სახელთან არის ასოცირებული.
„ჩვენი პრეტენზია არის რომ იყოს პარტია, რომელიც იქნება დაფუძნებული, რაც შეიძლება ფართო სპექტრზე, ეს არის ალიანსი რომელიც იქნება სოლიდარობისთვის, ჩვენს სამშობლოსთან და ჩვენ ხალხთან. ჩვენ ყველაფერს გავაკეთებთ იმისთვის, რომ ეს არ იყოს ერთი კაცის სახელთან ასოცირებული პარტია. დღეს საქართველოში პრაქტიკულად ყველა პარტია არის ასეთი. ის ერთი ადამიანი რომ გამოეცალოს ამ პარტიას იმ პარტიიდან არაფერი არ რჩება, თუ რა თქმა უნდ ისინი უკვე არ არიან აყვანილი კმაყოფაზე სახელმწიფო ბიუჯეტში, თუ მათ უკვე დაფინანსება აქვთ მოპოვებული პრაქტიკულად ესეთი პარტიები არ იშლება. თქვენ გახსოვთ, როდესაც ბატონი ედუარდ შევარდნაძე წავიდა მოქალაქეთა კავშირიდან მოქალაქეთა კავშირი საპნის ბუშტივით გაქრა“,-განაცხადა ზვიად კვაჭანტირაძემ.