საქართველოს პრეზიდენტმა მიხეილ სააკაშვილმა მცხეთის სალობიეს დიპლომი - "საქართველოს ყველაზე სახალხო რესტორანი" გადასცა. პრეზიდენტის განცხადებით, მსგავსი დიპლომი ამ დრომდე არცერთ რესტორანს არ გადასცემია და ის სპეციალურად მცხეთის სალოებიესთვის შეიქმნა.
"მცხეთის სალობიე - ეს არის ადგილი, რომელიც ყველაზე ნიჭიერმა ხალხმა შექმნა და 45 წელი გასძლო. დღეს, როდესაც საქართველოს უნდა კერძო ბიზნესის აღორძნება, როცა გვინდა ბევრი მცირე საწარმო გაიხსნას და ადამიანებმა შემოსავალი გაიჩინონ, ეს სალობიე არის კარგი მაგალითი, როგორ უნდა დაიწყო საქმე. ჩვენ მუდმივად უნდა ვისწავლოთ. გუშინ გავხსენი საწარმო, რომელშიც ასამდე ის ადამიანია დასაქმებული, რომლებიც ოკუპანტებმა საკუთარ სახლებიდან გამოყარეს. ამ საწარმოს გახსნის დროს ვთქვი, რომ პროდუქტების უკეთესად დამუშავება უნდა ვისაწვლოთ. მაშინვე დაირაზმნენ კუპატის და ხაშლამის პატრიოტები, ეს რა თქვა სააკაშვილმაო", - აღნიშნა პრეზიდენტმა.
მისივე თქმით, აუცილებელია კულინარიის სფეროში ახალი ცოდნის ათვისების, რადგანაც ცხოვრება ადგილზე არ დგას.
ამასთან, პრეზიდენტმა აღნიშნა, რომ საქართველოს ყველა კუთხეს უნიკალური სამზარეულო აქვს, თუმცა დანარჩენი რეგიონების მოსახლება მას ნაკლებად იცნობს.
"ჩვენ გვაქვს უნიკალური სამზარეულო ყველა კუთხეში. აჭარული სამზარეულო მოსახლეობის 90% ჯერ არ გუსინჯავს, მეგრული სამზარეულო, იმერული, კახეთის, ქართლის ძალიან საინტერესო სამზარეულო, ოსური სამზარეულო, მოხევური - ეს არის უნიკალური მსოფლიო დონის სამზარეულოები. როგორც თავის დროზე ქართული ცეკვები აიღეს სუხიშვილებმა და შექმნეს ახალი პროდუქტი, რომლითაც გავიდნენ მსოფლიოში, ასე უნდა ვითრდებოდეს ამ საკითხშიც, რომ მსოფლიოში გავიტანოთ", - განაცხადა სააკაშვილმა.
მისივე თქმით, ყველაზე მძიმე წლებშიც კი მცხეთის სალობიე იყო ყველაზე სახალხო რესტორანი, რომელმაც მაღალი ხარისხი და დაბალი ფასები შეინარჩუნა, რამაც ის ყველასთვის მისაწვდომი გახადა.
