იმერეთში სახელმწიფო რწმუნებული ზვიად შალამბერიძე პოლიციელებს პროფესიულ დღეს ულოცავს.
როგორც ზვიად შალამბერიძე ფეისბუქის ოფიციალურ გვერდზე გავრცელებულ მილოცვაში აღნიშნავს, პოლიციელები არიან ყოველთვის იქ, სადაც ქვეყანას სჭირდება და ეს ნათლად გამოჩნდა ახლაც - კორონავირუსის პანდემიის პირობებში.
"ყველა პოლიციელს, ძალოვანი უწყების ყველა წარმომადგენელს ვულოცავ პროფესიულ დღეს.
ჩვენი პოლიციელების საქმიანობა ძალიან მნიშვნელოვანი საზოგადოებისთვის ყოველდღიურად, ისინი იცავენ თითოეული მოქალაქის უსაფრთხოებას, არიან ყოველთვის იქ, სადაც ქვეყანას სჭირდება და ეს ნათლად გამოჩნდა ახლაც, როდესაც კორონავირუსის პანდემიის პირობებში 24-საათიან რეჟიმში თავდაუზოგავად ემსახურებოდნენ თითოეული ადამიანის ინტერესებს, იცავდნენ მათ სიცოცხლეს და ჯანმრთელობას.
ყველა ჩვენგანის ვალია, გავუფრთხილდეთ პოლიციელებს და მეტი სამოქალაქო პასუხისმგებლობა გამოვიჩინოთ მათი საქმიანობის მიმართ ნებისმიერ სიტუაციაში.
მადლობა თითოეულ პოლიციელს ღირსეული საქმიანობისა და თავდადებისთვის და ქედს ვიხრი სამსახურებრივი მოვალეობის შესრულების დროს დაღუპულთა ხსოვნის წინაშე", - აღნიშნულია სახელმწიფო რწმუნებულის მილოცვაში.