სალიცენზიო პირობების დარღვევის გამო შპს "ქართლიგაზი" 5000 ლარით დაჯარიმდა. ამ საკითხზე საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ 13 ოქტომბრის საჯარო სხდომაზე იმსჯელა. დაჯარიმების მიზეზი შპს "ქართლიგაზის" მიერ რეგულირების საფასურის გაანგარიშებისთვის საჭირო მონაცემებისა და ურთიერთშედარების აქტების წარმოუდგენლობა, ასევე, რეგულირების საფასურის გადაუხდელობაა.
გარდა ამისა, 13 ოქტომბრის სხდომაზე მიღებულ იქნა გადაწყვეტილება, რომლის მიხედვითაც, კომისიის მიერ დადგენილი მოთხოვნების შეუსრულებლობასთან დაკავშირებით გამოვლენილ დარღვევებზე, კომისიას ადმინისტრაციული სამართალდარღვევის ოქმის შედგენის უფლება მიენიჭა.