ქართველებმა კულინარია უნდა განვავითაროთ. ამის შესახებ საქართველოს პრეზიდენტმა მიხეილ სააკაშვილმა წეროვანში ხორცის გადამამუშავებელი კომბინატის მონახულების შემდეგ განაცხადა.
"თავი მოგვაქვს ქართული სამზარეულოთი და მართლაც უნიკალური სამზარეულო გვაქვს, მაგრამ ორი კომპონენტის _ თევზისა და ხორცის დამუშავება არ ვიცით. თევზის მარტო ზეთში შეწვა და ხორცით მარტო მწვადის გაკეთება არ არის საკმარისი. ამ კომპონენტების დამუშავება თურქეთში 10 წლის წინ საერთოდ არ იცოდნენ, ახლა კი ისწავლეს საჭმლის გაკეთება, ასევე ევროპაში ბევრ ადგილზე, სადაც ტრადიციული სამზარეულო არ იყო", - განაცხადა სააკაშვილმა.
მისი თქმით, ქართველები სულ უნდა ავითარებდნენ კულინარიას, რომლის მნიშვნელოვანი ნაწილს სწორედ ხორცის დამუშავება წამოადგენს.
შეგახსენებთ, რომ ხორცის გადამამუშავებელი ქარხანა წეროვანში რამდენიმე დღის წინ გაიხსნა და იქ 2008 წლის აგვისტოს ომის დროს დევნილი მოსახლება დასაქმდა.
