ჩრდილო-კავკასიელებთან უვიზო მიმოსვლის შესახებ გადაწყვეტილებას ჩვენი ქვყენისთვის ძალიან ბევრი სასარგებლოს მოტანა შეუძლია როგორც ეკონომიკური ასევე პოლიტიკური კუთხით, _ ამის შესახებ ვიცე-პრემიერმა გიორგი ბარამიძემ დღეს მთავრობს სხდომის წინ განაცხადა.
"საქართველოს უნდა აღმოსავლეთ ევროპაში და კავკასიაში ჰქონდეს ის ადგილი, რომელიც მას ისტორიულად ჰქონდა. კავკასიელ ხალხთან უნდა გაღრმავდეს ურთიერთობა. ჩვენი მიზანია, მოვიწვიოთ საქართველოში უფრო მეტი ტურისტი და უფრო მეტი ადამიანი, რათა ისინი არ იყვნენ რუსეთის პოლიტიკური გავლენის ქვეშ და ნახონ საკუთარი თვალით რა ხდება საქართველოში. ამ გადაწყვეტილებას ჩვენი ქვყენისთვის ძალიან ბევრი სასარეგებლოს მოტანა შეუძლია, როგორც ეკონომიკური ასევე პოლიტიკური კუთხით", - განაცხადა ვიცე პრემიერმა.
მისივე თქმით, არ არის გამორიცხული, რომ რუსეთი ხელოვნურ ბარიერებს შექმნის, რათა ხელი შეუშალოს ჩრდილო კავკასიელების შემოსვლას.
"რუსეთს არ აწყობს უფრო მეტმა ნახოს რა ხდება საქართველოში, რადგან ისინი საქართველოს წარმოაჩენენ, როგორც არშემდგარ სახელმწიფოს, რომელიც სულს ღაფავს და აქვს უამრავი პრობლემა. მართალია, პრობლემები დღეისთვის მართლაც არსებობს, მაგრამ ჩვენ გაცილებით წინ ვართ რუსეთის ფედერაციაზე მრავალ კომპონენტში, აღარ ვსაუბრობ დემოკრატიულ განვითარებაზე", - აღნიშნა ბარამიძემ.
მისივე თქმით, საქართველოს აქვს უსაფრთხოების დაცვის ადეკვატური საშუალებები და ეს პრობლემები საზღვრის ჩაკეტვა არჩაკეტვით არ გვარდება.
