ევროკავშირი მხარს უჭერს ჯანმრთელობის მსოფლიო ორგანიზაციას. ამის შესახებ ევროკომისიის პრესსპიკერმა ვირჯინია ბატუ ჰენრიქსონმა განაცხადა მას შემდეგ, რაც ცნობილი გახდა, რომ შეერთებული შტატების პრეზიდენტი დონალდ ტრამპი ჯანმო-ს დაფინანსების შეწყვეტით დაემუქრა.
"ევროკავშირი მხარს უჭერს ჯანმო ჯანმრთელობის მსოფლიო ორგანიზაციის ძალისხმევას კორონავირუსის პანდემიის წინააღმდეგ ბრძოლაში და ამ მიზნით გამოყო თანხა ორგანიზაციის დასახმარებლად", - თქვა ჰენრიქსონმა.
ევროკომისიის პრესსპიკერის განცხადებით, გლობალური თანამშრომლობა და სოლიდარობა ერთადერთი ეფექტური გზაა, რომ პანდემიის წინააღმდეგ ბრძოლაში გავიმარჯვოთ.
"ახლა არის სოლიდარობის და არა თითის გაშვერის დროს", - დასძინა ვირჯინია ჰენრიქსონმა.
