სვეტიცხოველი არის სიმბოლო ქართული ქრისტიანობის. ამის შესახებ საქართველოს პარლამენტის თავმჯდომარემ დავით ბაქრაძემ სრულიად საქართველოს კათოლიკოს-პატრიარქი, უწმინდეს და უნეტარეს ილია მეორესთან და უცხო ქვეყნების მართმადიდებლური ქვეყნების დელეგაციასთან შეხვედრის შემდეგ განაცხადა.
"სვეტიცხოველი არის ბევრი ქართველი მეფის საბოლოო განსასვენებელი, სვეტიცხოველი არის ქართული ქრისტიანობის სიმბოლო და ამიტომ ალბათ ეს ტაძარი ისე როგორც არცერთი სხვა არ განასახიერებს ერის და ბერის, სახელმწიფოს და ეკლესიის ერთიანობას. სწორედ ამიტომ სვეტიცხოვლობა არის ერთიანი დღესასწაული ყველა ჩვენგანისთვის", - განაცხადა ბაქრაძემ.
ამასთან, საქართველოს პატრიარქმა დავით ბაქრაძეს პატივისცემის ნიშნად წმინდა გიორგის სამკერდე ჯვარი უსახსოვრა.
შეგახსენებთ, რომ 14 სექტემბერს სვეტიცხოვლობის 1000 წლისთავი აღინიშნება.
