ევროპარლამენტარი ანა ფოტიგა გიგი უგულავასა და ირაკლი ოქრუაშვილის შეწყალებას მიესალმება და განცხადებას ავრცელებს.
"მივესალმები საქართველოს პრეზიდენტის მიერ პოლიტიკური პატიმრების, გიგი უგულავას და ირაკლი ოქრუაშვილის შეწყალებას. საქართველოს მოქალაქეები იმსახურებენ მხოლოდ პროგრესს. ველოდები 2020 წლის არჩევნების თავისუფლად და სამართლიანად ჩატარებას", - ნათქვამია ფოტიგას განცხადებაში.
შეგახსენებთ, გუშინ, 15 მაისს, საქართველოს პრეზიდენტმა სალომე ზურაბიშვილმა თბილისის ყოფილი მერი გიგი უგულავა და თავდაცვის ყოფილი მინისტრი ირაკლი ოქრუაშვილი შეიწყალა.
