მთავრობის უწყებათაშორისი საკოორდინაციო საბჭოს გადაწყვეტილების შესაბამისად, ხვალიდან, 14 მაისიდან რუსთავი და გარდაბანი გაიხსნება. ამ წუთებში რუსთავში ე.წ. საკონტროლო-გამშვები პუნქტების დემონტაჟი მიმდინარეობს.
რუსთავი საქართველოს 3 სხვა ქალაქთან, თბილისთან, ქუთაისთან და ბათუმთან ერთად, კორონავირუსის გავრცელების პრევენციის მიზნით ჩაიკეტა.
ხვალ, დილის 08 საათიდან რუსთავსა და გარდაბანში მოიხსნება ყველა ის შეზღუდვა, რომელიც ქალაქებში შესვლასა და გამოსვლას უკავშირდებოდა.
18 მაისიდან ასევე სრულად გაიხსნება მარნეული.
