რუსეთში მკვეთრად იზრდება კორონავირუსით ინფიცირებულთა რაოდენობა.
ბოლო 24 საათში, რუსეთში კორონავირუსით ინფიცირების ახალი 10 817 შემთხვევა გამოვლინდა. სულ ქვეყანაში ვირუსით ინფიცირების 198 676 შემთხვევაა აღრიცხული.
რუსეთის კორონავირუსზე რეაგირების სამუშაო ჯგუფის ინფორმაციით, ბოლო 24 საათში, კორონავირუსით 104 ადამიანი გარდაიცვალა. სულ ქვეყანაში ვირუსულ ინფექციას 1 827 ადამიანი ემსხვერპლა.
მეშვიდე დღეა რუსეთში კორონავირუსით ინფიცირების დღიური მაჩვენებელი 10 000-ს აჭარბებს.
ოფიციალური ინფორმაციით, კორონავირუსით ინფიცირების მაჩვენებლით, რუსეთი მსოფლიოში მეხუთე ადგილზეა.