პარლამენტში მანქანების მინების დაფერვის პრობლემას საკანონმდებლო დონეზე დაარეგულირებენ.
ამის შესახებ განცხადებები დღეს სესიაზე მანქანების ღვედების ტარების საკითხის განხილვისას გაკეთდა.
საკითხი გურჯაანის მაჟორიტარმა დეპუტატმა გიორგი ჩივიაშვილმა დააყენა.
როგორც მან აღნიშნა, საქართველოში მანქანების უმეტესობას მინები აქვს დამუქებული და მისთვის გაუგებარია, როგორ უნდა მოხდეს იმის შემოწმება, მანქანაში მყოფი პირები ატარებენ თუ არა ღვედს.
კანონპროექტის ავტორს რუსუდან კერვალიშვილს პასუხი არ გააჩნია. მან აღნიშნა, რომ ეს პრობლემა რელაურად არსებობს, თუმცა, ვერაფერს ამბობს იმაზე, საკითხი როგორ უნდა გადაწყდეს.
კერვალიშვილის თქმით, ამ ეტაპზე მხოლოდ იმის თქმა შეიძლება, რომ საკითხის მოგვარება საკანონმდებლო დონეზე უნდა მოხდეს. დეტალები კი მუშაობის პროცესში გამოიკვეთება.
