15 ოქტომბერს, 2011 წლის ბიუჯეტიდან პრიორიტეტული სფეროების დაფინანსების განსაზღვრისთვის მიზნით, მთავრობას და საკანონმდებლო ორგანოს შორის შეხვედრა გაიმართება. აღნიშნული განცხადება პარლამენტის ჯანდაცვის კომიტეტის თავმჯდომარემ ოთარ თოიძემ მას შემდეგ გააკეთა, რაც ოპოზიციამ ჯანდაცვის პროგრამებთან დაკავშირებით ხელისუფლების გადაწყვეტილება გააპროტესტა.
ბიუჯეტის პროექტის პარლამენტში შეტანის შემდეგ გაკეთდა განცხადებები, რომ სოციალური და ჯანდაცვის სფეროების დაფინანსების განსაზღვრასთან დაკავშირებით, ჯანდაცვის კომიტეტში მთავრობის წარმომადგენლების მონაწილეობით, შეხვერდა გაიმართებოდა, თუმცა აღნიშნული შეხვედრა ჯერჯერობით არ გამართულა და ისევ გაურკვეველია ეს სფროები როგორ დაფინანსდება.
ქრისტიან-დემოკრატების წარმომადგენელი მაგდა ანიკაშვილი აქცენტს აკეთებს იმაზე, რომ მთავრობის გადაწყვეტილებით პროგრამების ხარჯვის საკითხს წყვეტს მთავრობა. როგორც ანიკაშვილი აცხადებს ეს მექანიზმი არის სურლიად გაუმართლებელი. ვინაიდან პრემიერ-მინისტრი ხშირ შემთხვევაში იმყოფება საზღვარგარეთ ვიზიტებით და ამ პერიოდში ქვეყანაში მოსახლეობას გადუდებელი დახმარებები რომ დასჭირდეს მთავრობა გადაწყვეტილებას ვერ მიიღებს. შეგახსენებთ რომ მთავრობის გადაწყვეტილებით გაუქმდა ჯანდაცვის სამინისტროში არსებული პროგრამების დაფინანსების საბჭო და ეს ფუნქცია გადაეცა მთავრობას. თუმცა მთავრობაში ეს საკითხი ჯერჯერობით არ ამოქმედებულა. სწორედ ამიტომ მაგდა ანიკაშვილი ითხოვს, რომ ან აღდგეს დაფინანსების ძველი წესი სამინისტროში ან მთავრობამ დაუყონებლივ გადაწყვიტოს თუ როგორ აპირებს მუშაობას.
