მარნეულში აგრარული ბაზარი გაიხსნა. მარნეულის მერის თქმით, აგრარული ბაზარი ყველა რეკომენდაციისა და წესების დაცვით გაიხსნა. ბაზარში სამუშაო პროცესს სოფლის მეურნეობის სამინისტროს და ადგილობრივი ხელისუფლების წარმომადგენლები გაეცნენ.
"ყველა რეკომენდაციის დაცვით გავხსენით ღია აგრარული ბაზარი და ყველაფერი გაკეთდა იმისათვის, რომ ადგილობრივი მარნეულის სასოფლო-სამეურნეო პროდუქციის მიმართ არ შეიქმნას არანაირი სირთულე," - განაცხადა ზაურ დარგალმა.
გარემოს დაცვისა და სოფლის მეურნეობის მინისტრის მოადგილე სოლომონ პავლიაშვილი, მხარისა და მუნიციპალიტეტის ხელმძღვანელ პირებთან ერთად ექსპორტიორი კომპანიის წარმომადგენლებს შეხვდა და პირადად მოინახულა მარნეულში ცივი შენახვის სასაწყობე მაცივრები.
