საქართველოს პრემიერ-მინისტრის პრესსპიკერი, მრჩეველი საერთაშორისო საკითხებში ირაკლი ჩიქოვანის განცხადებით, ლენტეხის მუნიციპალიტეტში სპეციალური შეზღუდვები დღეიდან მოიხსნება. აღნიშნული განცხადება პრემიერ-მინისტრის პრესპიკერმა, ირაკლი ჩიქოვანმა მთავრობის ადმინისტრაციაში გააკეთა.
"ლენტეხის მუნიციპალიტეტში 10 აპრილიდან და ასევე, ხაშურის მუნიციპალიტეტ სოფელ ხიდისყურში 13 აპრილიდან მოქმედებს სპეციალური გამკაცრებული რეჟიმი. რის ფარგლებშიც დაახლოებით 4 500-მდე ადამიანს რამდენჯერმე ჩაუტარდა თერმოსკრინინგი. ასევე, ჩატარდა შესაძლო ყველა კერების მიზნობრივი კვლევა და მიღებული ინფორმაციის შესაბამისად და ეპიდემიოლოგების რეკომენდაციის გათვალისწინებით, დღეიდან სპეციალური რეჟიმი ამ ორ გეოგრაფიულ პუნქტში იქნება მოხსნილი და 28 აპრილიდან იქ იმოქმედებს ის შეზღუდვები, რაც მოქმედებს მთლიანად საქართველოს ტერიტორიაზე",– განაცხადა ირაკლი ჩიქოვანმა.
