ჟენევაში უკვე გაემგზავრა აფხაზეთის მთავრობის თავმჯდომარე გიორგი ბარამია. დელეგაციის სხვა წევრები კი დღეს ღამით მიემგზავრებიან.
პოლიტიკური უსაფრთხოების ახალი კონცეფცია და დევნილების საკუთარ სახლებში უპირობო დაბრუნება - სწორედ ამ საკითხბეზე გაამახვილებს ყურადღებას ქართული მხარე.
ბარამია იმედოვნებს, რომ გაეროს მიერ მიღებული რეზოლუცია დევნილების სახლებში დაბრუნებასთან დაკავშირებით, ქართველების არგუმენტებს კიდევ უფრო გაამყარებს.
"საკითხი არის ორი მიმართულებით. ერთი უსაფრთხოების კუთხით, ხოლო მეორე იგივე დევნილების დაბრუნება. ქართული მხარე მზად არის დიალოგისთვის, რასაც სამწუხაროდ ვერ ვიტყვით რუსულ მხარეზე, რომელიც აგრესიულ პოლიტიკურ მანიპულაციებს აწარმოებს ბოლო ხანებში", - აღნიშნა ბარამიამ თბილისის საერთაშორისო აეროპორტში ჟურნალისტებთან საუბრისას.
საქართველოს დელეგაცია 14 ოქტომბერს, ჟენევის საერთაშორისო კონსულტაციების მე-13 რაუნდში მიიღებს მონაწილეობას.
