შეერთებულ შტატებში კორონავირუსით გარდაიცვალა 100 წლის, მეორე მსოფლიო ომის ვეტერანი, ფილიპ კანი, რომლის ტყუპისცალი ესპანური გრიპის პანდემიას, 100 წლის წინ ემსხვერპლა.
როგორც გარდაცვლის შვილიშვილმა CNN-ს განუცხადა, ბაბუა ყოველთვის შიშობდა და გამოთქვამდა ვარაუდს, რომ თავისი სიცოცხლის განმავლობაში კიდევ ერთ პანდემიას მოესწრებოდა.
"მეუბნებოდა, რომ ისტორია მეორდება", - თქვა მან.
ფილიპ კანი და მისი ტყუპისცალი სამუელი, 1919 წლის 5 დეკემბერს დაიბადნენ. ეს უკანასკნები დაბადებიდან რამდენიმე კვირის შემდეგ ესპანური გრიპის პანდემიას ემსხვერპლა.
1918 წლის ესპანური გრიპის პანდემიას მსოფლიოში 50 მლნ-ზე მეტი ადამიანი ემსხვერპლა, დაახლოებით 675 ათასი ადამიანი კი შეერთებულ შტატებში დაიღუპა.
