კორონავირუსთან დაკავშირებით საქართველოს მთავრობის მიერ შექმნილი სპეციალური ვებგვერდის StopCoV.ge-ის სიახლეების მიღება მომხმარებელს აპლიკაცია ტელეგრამის არხით ქართულ ენაზეც შეეძლება.
StopCoV.ge-ის სპეციალური ინგლისურენოვანი ტელეგრამ-არხის შემდეგ, დღეიდან ფუნქციონირებს ქართულენოვანი არხიც - https://t.me/StopCoVge.
აპლიკაცია ტელეგრამის მომხმარებლები შეძლებენ, ახალი არხის მეშვეობით, როგორც ქართულ, ისე ინგლისურ ენაზე სრული ინფორმაცია მიიღონ საქართველოში COVID-19-ის გავრცელების კუთხით არსებულ მდგომარეობასა და საქართველოს მთავრობის მიერ განხორციელებულ ღონისძიებებზე.
