62 წლის პაციენტი, რომლის მდგომარეობაც კრიტიკულად მძიმე იყო დღეს კლინიკას დატოვებს. ამის შესახებ თბილის პირველი საუნივერსიტეტო კლინიკის დირექტორი ლევან რატიანმა განაცხადა.
მისი თქმით, კლინიკას ასევე დატოვებს კიდევ ერთი გამოჯანმრთელებული, 65 წლის ქალი.
"ამ ეტაპზე კლინიკაში გვყავს 85 პაციენტი, აქედან ინფიცირებული არის 67. იცით, რომ ჩვენ გვყავდა პირველ პაციენტი კრიტიკული 62 წლის ქალბატონი. თქვენ იცით, რომ მისი მდგომარეობა იყო კლინიკაში შემოყვანისას ტერმინალური. ამ ეტაპზე, მინდა გითხრათ, რომ ქალბატონი დღეს რამდენიმე საათში ეწერება კლინიკიდან გამოჯანმრთელებული მდგომარეობით. ასევე გვყავს ერთი გამოჯანმრთელებული შემთხვევა 65 წლის ქალბატონი, რომელიც ასევე რამდენიმე საათში დატოვებს კლინიკას," - განაცხადა ლევან რატიანმა.
