ხვალ, 12 ოქტომბერს საქართველოს დელეგაცია ჟენევაში გაემგზავრება, სადაც 14 ოქტომბერს ჟენევის საერთაშორისო კონსულტაციების მე-13 რაუნდში მიიღებს მონაწილეობას.
ამის შესახებ დღეს გამართულ ტრადიციულ პრესკონფერენციაზე საგარეო საქმეთა მინისტრის მოადგილემ ნინო კალანდაძემ განაცხადა.
"ჟენევის მოლაპარაკებში ყველა მხარე მიიღებს მონაწილეობას, მათ შორის მარიონეტული რეჟიმის წარმომადგენლებიც. როგორც იცით, რუსეთის მხრიდან იმის გამო, რომ სიტუაცია ჩიხში არიან შესული და მათ რა იციან რა ფორმატში შეუძლიათ დაგველაპარაკონ პრობლემების რეალურ მოგვარებაზე, ამიტომ ხშირად აქვთ მცდელობა ჩაშალონ ეს მოლაპარაკები, თითქოს რომელიმე სეპარატისტულ მხარეს არ აქვს ამ ფორმატში მოლაპარაკების გაგრძელების დაინტერესება. ამ ეტაპზე ამის საშიშროება არ არსებობს", - განაცხადა კალანდაძემ.
მისივე თქმით, ქართული დელეგაცია ჟენევის მოლაპარაკებების მორიგი რაუნდამდე ჟენევაში არაფორმალურ შეხვედრებს გამართავს.
"ჩვენი დღის წესრგი უკვე განსაზღვრულია. ჩვენი სურვილია უკვე გადავიდეთ პრობლემების რეალურ მოგვარებაზე. ქართული მხარე ჟენევაზე ოკუპირებულ რეგიონებში უსაფრთხოების საერთაშორისო მექანიზმების ჩამოყალიბება და დევნილების უსაფრთხო და ღირსეული დაბრუნება, როდესაც ამ მიმართულები გარღვევა გვექნება, შემდეგ უკვე შეიძლება დავიწყოთ საუბარი დეოკუპაციაზე", - აღნიშნა საგარეო საქმეთა მინისტრის მოადგილემ.
ამასთან, კალანდაძის თქმით, ქართული დელეგაცია აღნიშნულ საკითხებიდან გადახრას არ აპირებს რა წინაპირობებიც არ უნდა იყო, თუნდაც რუსული მხარე შეეცადოს დაშანტაჟებას, რომ მორიგ რაუნდში მონაწილეობას არ მიიღებენ.