14-15 ოქტომბერს რუსეთს ვენესუელის პრეზიდენტი უგო ჩავესი ეწვევა. ამის შესახებ ინფორმაციას კრემლის პრესსამსახური ავრცელებს.
მათი ინფორმაციით, დღეს რუსეთის ფედერაციის პრეზიდენტმა დიმიტრი მედვედევმა და უგო ჩავესმა ტელეფონით ვიზიტის დროს განსახილველ საკითხებზე ისაუბრეს. სატელეფონო საუბარი ვენესუელის მხარის ინიციატივით შედგა.
ვენესუელის პრეზიდენტის რუსეთში ეს უკვე მეცხრე ვიზირია. ბოლო ვიზიტი 2009 წელს შედგა, როდესაც უგო ჩავესმა აფხაზეთის და ე. წ. სამხრეთ ოსეთი აღიარების შესახებ განცხადება გააკეთა.