საქართველოში COVID-19-ის გადაცემის მესამეული ფაქტი დაფიქსირდა. დაავადებათა კონტროლის ეროვნული ხელმძღვანელის განმარტებით, ახალი შემთხვევები უკავშირდება იტალიას, პაციენტების მდგომარეობა კი დამაკმაყოფილებელია.
„ეს 5 შემთხვევა უკავშირდება იტალიას. 30 შემთხვევიდან 2 შემთხვევაში გახლავთ ირანში მოგზაურობის ისტორია, ერთ შემთხვევაში ესპანეთში მოგზაურობის ისტორია. დანარჩენი შემთხვევა პირდაპირ ან ირიბად, ყველა უკავშირდება იტალიას. აქედან 12 მოგზაურობას იტალიაში, 10 - დადასტურებულ შემთხვევასთან კონტაქტს, ხოლო უკვე გვაქვს, შემიძლია უკვე ვთქვა, რომ გვაქვს ე.წ. მესამეული გადაცემა, ანუ კონტაქტის შემდგომი კონტაქტი“, - განაცხადა გამყრელიძემ.
მისი თქმით, მესამეული და მეოთხეული გადაცემის შემთხვევაში საუბარი უკვე ქვეყნის შიდა გადაცემაზეა.
