ისრაელის ჯარებმა მდინარე იორდანიის დასავლეთით, ქალაქ ხევრონში, პალესტინელი ბოევიკების განადგურების მიზნით, სპეცოპერაცია ჩაატარეს. შედეგად ერთი პალესტინელი დაიღუპა.
ამის შესახებ პალესტინის ადგილობრივი მედია საშუალების იუწყებიან.
სააგენტო "ВАФА"-ს ინფორმაციით, სამხედროებმა ქალაქის ცენტრში საცხოვრებელი სახლი ალყაში მოაქციეს, სადაც ისრაელის მხარის ინფორმაციით პალესტინელი ბოევიკები იმყოფებოდნენ, რომლებიც ისრაელის არმიის დასახლებებში მოწყობილი დივერსიული აქტების გამო იძებნებოდნენ.
სააგენტოს ინფორმაციით, ისრაელის სამხედროები ოპერაციის ადგილზე ჟურნალისტებს და სასწრაფო დახმარების ბრიგადებს არ უშვებდნენ. ოპერაციის მსვლელობის დროს სამხედროებმა ამავე რაიონში მცხოვრები რამდენიმე პალესტინელი დააკავეს.
შეგახსენებთ, რომ რამდენიმე თვის წინ პალესტინელმა ბოევიკებმა, რომლებიც "ჰამასის" დაჯგუფების წევრები იყვნენ, ოთხი ისრაელის მოქალაქე მოკლეს, მათ შორის ერთი ორსული ქალი იყო.
