"ვხედავ საქართველოს, სადაც "ქართული ოცნება" არის ოპოზიციაში და იღებს მონაწილეობას ქვეყნის განვითარებაში, - განაცხადა პარტია "ახალი საქართველოს" ლიდერმა გიორგი ვაშაძემ ტელეკომპანია "ფორმულის" ეთერში.
მისი თქმით, ოპოზიცია უნდა იყოს ხელისუფლების ერთგვარი ნაწილი და მიიღოს მონაწილეობა ქვეყნის მართვის ფორმირებაში.
"ვხედავ საქართველოს, სადაც "ქართული ოცნება" არის ოპოზიციაში და იღებს მონაწილეობას ქვეყნის განვითარებაში. მე არ ვხედავ მომავალს ოცნებასავით, რომელსაც ჰგონია, რომ თუ ასე ოპოზიცია ამბობს, ინიციატივა აუცილებლად არასწორია - ეს არ არის ევროპა და დამღუპველია ქვეყნისთვის.
ევროპული პოლიტიკა სწორედ ამას გულისხმობს, რომ ოპოზიციაც იღებს მონაწილეობას ქვეყნის განვითარებაში - ოპოზიცია ნაწილია ხელისუფლების და სწორედ ეს ფურცელი უნდა გადავშალოთ ისტორიაში", - თქვა ვაშაძემ.
