საქართველოს პრეზიდენტის, სალომე ზურაბიშვილის განცხადებით, შეწყალების ყველა მოთხოვნა იქნება განხილული კანონის მიხედვით და იმ შემთხვევაში, თუ კი პრეზიდენტი ჩათვლის საჭიროდ, მიღებული იქნება შეწყალების აქტი.
„შეწყალება ექვემდებარება წესებს, რომლებიც მიღებულ იქნა ამ წელს. რაც არ უნდა იყოს მოთხოვნა, რომელიც შემოვა, ყველა მოთხოვნა იქნება განხილული ამ წესების მიხედვით. ყველა მოთხოვნას მივიღებ, წავიკითხავ, ვნახავ, გავეცნობი და თუ სადმე საჭიროება იქნა, თუ მე ჩავთვლი, რადგან ეს არის დისკრეციული უფლება, რომ შეწყალება უნდა შედგეს, მიღებული იქნება შეწყალების აქტი. რას ნიშნავს ეს, წესები წაიკითხეთ და გაიგებთ. არ არსებობს ამ ქვეყანაში ცალკე ადამიანები, რომლებზეც ვრცელდება ცალკე რეგულაციები, ყველა მოქალაქისათვის არის ერთი რეგულაცია და ყველა მოქალაქემ იცის, როგორ უნდა მიმართოს პრეზიდენტს”, - განაცხადა სალომე ზურაბიშვილმა ჟურნალისტებთან“, - თქვა პრეზიდეტმა.
