იმ 5 ადამიანის ჯანმრთელობის მდგომარეობა, რომელთაც გუშინ ახალი ტიპის კორონავირუსი (COVID-19) დაუდგინდათ, დამაკმაყოფილებელია. როგორც ინფექციური საავადმყოფოს სამედიცინო დირექტორი მარინა ეზუგბაია განმარტავს, ყველა პაციენტის მიმართ ამ ეტაპზე მოსალოდნელია დაავადების პროგრესირება.
რაც შეეხება მეოთხე პაციენტს, რომელსაც გუშინ დაუდგინდა და კორონავირუსი, მისი ჯანმრთელობის მდგომარეობა მდგომარეობა საშუალოზე მძიმეა, საყურადღებოა.
„ერთი პაციენტის მდგომარეობა 24 საათის მეთვალყურეობის შემდეგ საშუალოზე მძიმეა, მაინც საყურადღებოა ეს პაციენტი, რადგან დაავადება კარგად არის გამოვლენილი. მეორე პაციენტის მდგომარეობა არის მსუბუქი და თუ ასე შენარჩუნდება, კარგი იქნება. დანარჩენი შვიდი პაციენტი არის კლინიკის გამოვლინების გარეშე, დადებითი ტესტირებით, ამათთან გრძელდება ყოველდღიური მეთვალყურეობა კვლევები და შეფასება დინამიკაში, როგორ ვითარდება სიტუაცია. ყველასთან მოსალოდნელია დაავადების პროგრესირება და გამოვლენა, რაც შეეხება პირველ სამ პაციენტს, რომელიც დაახლოებით ერთი კვირაა ჩვენთან წევს, მათთან სტაბილური სიტუაციაა“, – განაცხადა ეზუგბაიამ.
