თბილისის მერიის მულტიფუნქციური ბიბლიოთეკების გაერთიანების სამივე მედიათეკა და ბიბლიოთეკები 16 მარტამდე დაიხურა. აღნიშნული გადაწყვეტილება, თბილისის მერიამ, კორონავირუსთან დაკავშირებული პრევენციული ღონისძიებების გატარების მიზნით მიიღო.
ამ დროის განმავლობაში, ყველა ფილიალში დაგეგმილია სადეზინფექციო სამუშაოების ჩატარება. სპეციალური ხსნარებით დამუშავდება როგორც ინტერიერი, ისე ავეჯი და ტექნიკა.
მედიათეკების საწევრო ბარათების მოქმედების ვადა ორი კვირით გახანგრძლივდება.
