საქართველომ ირანთან სახმელეთო მიმოსვლა შეზღუდა. ამის შესახებ ცოტა ხნის წინ საქართველოს ჯანდაცვის მინისტრმა ეკატერინე ტიკარაძემ მთავრობის ადმინისტრაციაში გამართულ საგანგებო ბრიფინზე განაცხადა.
როგორც ჯანდაცვის მინისტრმა განაცხადა, მიუხედავად იმისა რომ საქართველოს ირანთან პირდაპირი საზღვარი არ გააჩნია ირანიდან საქართველოში და საქართველოდან ირანში მოქალაქეების გადაადგილება 2 კვირით შეწყდა.
შეგახსენებთ, საქართველოში კორონავირუსის პირველი შემთხვევა დაფიქსირდა.
ვირუსი საქართველოს მოქალაქეს აღმოაჩნდა, რომელიც საქართველოში ირანიდან აზერბაიჯანის გავლით დაბრუნდა.
50 წლის მამაკაცი, რომელსაც ვირუსი აღმოაჩნდა ინფექციურ საავადმყოფოშია გადაყვანილი. მინისტრის ინფორმაციით, მისი მდგომარეობა დამაკმაყოფილებელია.
"პაციენტი საბაჟოდან სიმპტომების დაფიქსირების გამო პირდაპირ გადაიყვანეს ინფექციურ საავადმყოფოში", - თქვა მინისტრმა.
