საქართველოს ყოფილი პრემიერ-მინისტრი ვანო მერაბიშვილი, რომელმაც სასჯელაღსრულების დაწესებულება რამდენიმე დღის წინ დატოვა, ხვალ პოლონეთში მიემგზავრება.
"ხვალ, ვანო მერაბიშვილი პოლონეთში მიემგზავრება, სადაც სეიმის ხელმძღვანელობის მოწვევით, მონაწილეობას მიიღებს სხვადასხვა ღონისძიებებში.
ამის შემდეგ კი მერაბიშვილი გადაუდებელი მკურნალობის კურსის ჩატარებას გეგმავს.
როგორც ცნობილია, პატიმრობის თითქმის 7 წლის მანძილზე მას განზრახ არ გაუწიეს სათანადო სამედიცინო მომსახურება. მკურნალობის შემდეგ მერაბიშვილი საქართველოში დაბრუნდება", - აღნიშნულია ვანო მერაბიშვილის "ფეისბუქის" გვერდზე გავრცელებულ ინფორმაციაში.
