ავღანეთში, ბაჰრეინსა და ქუვეითში კორონავირუსის პირველი შემთხვევები დაფიქსირდა
ავღანეთის ჯანდაცვის მინისტრის განცხადებით, კორონავირუსის პირველი შემთქვევა ქვეყნის დასავლეთით, ჰერათის პროვინციაში დაფიქსირდა.
მისივე თქმით, პროვინციაში საგანგებო მდგომარეობა გამოცხადდა.
ბაჰრეინში კორონავირუსი ირანიდან ჩამოსულ მოქალაქეს დაუდგინდა. ყველა ის პირი, რომელსაც კონტაქტი ჰქონდა დაინფიცირებულთან, სპეციალურ საკარანტინო განყოფილებაშია მოთავსებული.
ბაჰრენის ჯანდაცვის უწყება ირწმუნება, რომ ქვეყანაში კორონავირუსის გავრცელების პრევენციისთვის ყველა ზომა მიღებული აქვთ.
ქუვეითში კორონავირუსით დაინფიცირების ერთდროულად სამი შემთხვევა გამოვლინეს.
არსებული ინფორმაციით, სამივე მოქალაქე ქუვეითში ირანის ერთ-ერთი ქალაქიდან ჩავიდა. პაციენტები გაძლიერებული სამედიცინო მეთვალყურეობის ქვეშ იმყოფებიან.
