საქართველოში ამერიკის შეერთებული შტატების ელჩი კელი დეგნანი პარლამენტის თავმჯდომარეს არჩილ თალაკვაძეს შეხვდა. ამის შესახებ ინფორმაცია თალაკვაძის ფეისბუკგვერდზე გავრცელდა.
"აშშ-ში ვიზიტის შემდეგ, სამუშაო შეხვედრა გავმართე ამერიკის შეერთებული შტატების ელჩთან, კელი დეგნანთან. გავუზიარე მოსაზრებები, ასევე, ვისაუბრეთ ორმხრივი თანამშრომლობის პრიორიტეტებზე და სამომავლო გეგმებზე.
ელჩს მადლობა გადავუხადე ამერიკის მთავრობის მხრიდან ვიზიტის მაღალი მხარდაჭერის და თანამშრომლობისთვის", - დაწერა არჩილ თალაკვაძემ.
შეხვედრის შემდეგ ელჩმა მედიასთან მოკლე კომენტარი გააკეთა.
"ძალიან საინტერესო და კონსტრუქციული შეხვედრა გვქონდა პარლამენტის თავმჯდომარესთან ვაშინგტონში მის ვიზიტთან დაკავშირებით, ვიმედოვნებ მალე ისევ შევხვდებით", - განაცხადა კელი დეგნანმა.
