ეუთოს დემოკრატიული ინსტიტუტების და ადამიანის უფლებათა ოფისის (ODIHR) დირექტორი ინგებორგ გისლადოტირი მიკრობლოგ "ტვიტერზე" ეხმიანება საქართველოში არსებულ პოლიტიკურ ვითარებას.
"ვიზიარებ საერთაშორისო საზოგადოების მზარდ შეშფოთებას საქართველოში განვითარებულ ბოლოდროინდელ მოვლენებთან დაკავშირებით, რომლებმაც მნიშვნელოვანი პოლიტიკური დიალოგი ჩაშალა და ამავდროულად ყველა მხარეს ვურჩევ, რომ თავიდან ჩაერთონ ამ პროცესში", - დაწერა ინგებორგ გისლადოტირმა.
შეგახსენებთ, "ევროპული საქართველოს" ერთ-ერთი ლიდერის, გიგი უგულავას დაკავების შემდეგ, ოპოზიციამ განაცხადა, რომ ხელისუფლებასთან დიალოგს წყვეტს.
