საქართველში შეერთებული შტატების ელჩი კელი დეგნანი ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრს, ეკატერინე ტიკარაძეს შეხვდა. ინფორმაციას აშშ-ის საელჩო ავრცელებს.
"ჩვენ დღეს გვქონდა ძალიან მნიშვნელოვანი შეხვედრა მინისტრთან, სადაც განვიხილეთ მთელი რიგი საკითხები. ჩვენ გვაქვს საკმაოდ ფართო თანამშრომლობა ჯანდაცვის, შრომისა და ზოგადად სოციალურ საკითხებში.
შეხვედრაზე განვიხილეთ კორონავირუსი და საქართველოს შთამბეჭდავი რეაგირება მასზე. შვების მომგვრელია, რომ საქართველოში ეს ვირუსი ჯერ არ გამოვლენილა და საქართველოს აქვს ძალიან კარგი სისტემა როგორც რეაგირებისათვის, ისე მოქალაქეების დაცვისა და სათანადოდ ინფორმირებისათვის. ეს არის ამგვარი ეპიდემიის დროს ძალიან მნიშვნელოვანი.
ჩვენ ასევე განვიხილეთ ჯანდაცვის რეფორმა და ის მნიშნველოვანი ინიციატივები, რომლებსაც სამინისტრო ახორციელებს. ზოგი ეს ინიციატივა ამერიკულ გამოცდილებაზეა დამყარებული, რაც მიმართულია მთელი საქართველოს მოსახლეობისთვის ჯანდაცვის ხარისხისა გაუმჯობესებაზე.
ჩვენ ასევე ვისაუბრეთ შრომის სექტორსა და რეფორმებზე, რომლებსაც საქართველო ახორციელებს. ეს რეფორმა ცდილობს იპოვოს ბალანსი დასაქმებულებთა უსაფრთხო სამუშაო პირობების შექმნასა და ბიზნესის ზრდის ინტერესს შორის. ასე რომ, საკმაოდ ყოვლისმომცველი საუბარი გვქონდა და მოუთმენლად ველი მინისტრთან ჩემს მორიგ შეხვედრას", - განაცხადა კელი დეგნანმა შეხვედრის დასრულების შემდეგ.
