პრეზიდენტის ადმინისტრაცია უფროსკლასელთათვის ორბელიანების სასახლის თემაზე ესეს 2 კონკურსს აცხადებს.
ორბელიანების სასახლეში სხვადასხვა საზოგადოებრივი ჯგუფებისათვის ექსკურსიები გრძელდება, საქართვერლოს მასშტაბით მოქმედ საჯარო და კერძო სკოლის მოსწავლეებს, რომლებიც დაინტერესებულნი არიან ორბელიანების სასახლის ისტორიითა და მისი თანამედროვეობით შეუძლიათ გამოაგზავნონ ესე ელექტრონულ მისამართზე: konkursi@president.gov.ge
ნაშრომში ხაზი გაუსვით ორბელიანების სასახლესთან დაკავშირებულ საქართველოს ისტორიისთვის მნიშვნელოვან და საინტერესო ამბებს.
ასახეთ XIX საუკუნეში ორბელიანების ცხოვრების შესახებ თქვენი ხედვა.
პარალელები გაავლეთ XIX საუკუნის სასახლესა და დღევანდელ სასახლეს შორის.
ნაშრომებს შეაფასებს 3 კაცისაგან შემდგარი, დამოუკიდებელი ჟიური და თითო კონკურსში 3 გამარჯვებულს გამოავლენს.
გამარჯვებულების დაჯილდოების ცერემონია ორბელიანების სასახლეში გაიმართება.
გამარჯვებულებს ჯილდოს საქართველოს პრეზიდენტი გადასცემს.
ესსეები შეირჩევა კონკურსის პირობებთან თავსებადობის, თემასთან/მიზანთან შესაბამისობის, ესეს სტრუქტურის, ინოვაციური და შემოქმედებითი მიდგომის მიხედვით.
ელექტრონულ ფოსტაზე გამოგზავნილ ფაილს თან დაურთეთ (ავტორის) სახელი და გვარი, დაბადების თარიღი, სკოლა, კლასი და საკონტაქტო ნომერი;
? საკონკურსო ნაშრომის ფორმატი: • შრიფტი: Sylfaen; • შრიფტის ზომა: 12; • ხაზებს შორის ინტერვალი : 1 (სტანდარტული); • მარჯინები: 1’’ -1’’- 1’’- 1’’ (სტანდარტული) • ნაშრომის მოცულობა: მინიმუმ 300-400 სიტყვა, • ფაილის ფო რმატი: Microsoft Office Word Document ან PDF.
