საქართველოს ყოფილი სახალხო დამცველი უჩა ნანუაშვილი უზენაესი სასამართლოს მიერ გიგი უგულავას წინააღმდეგ გამოტანილ გადაწყვეტილებას ეხმიანება და აცხადებს, რომ თუ გიგი უგულავას დააკავებენ, ის იქნება პოლიტმატიმარი.
უჩა ნანუაშვილის თქმით, საქართველოში პოლიტიკური დევნა უნდა დასრულდეს.
"გიგი უგულავას თუ დააკავებენ, ის იქნება პოლიტპატიმარი!
რამდენიმე წლის წინ, როდესაც ის დააკავეს, მე მას შევხვდი დაკავებისთანავე. მაშინაც იყო საქმეში გარკვეული პრობლემები და ამაზე ვსაუბრობდით მაშინ და ბოლოს საკონსტიტუციო სასამართლომ განაცხადა ამ დარღვევებზე. მანამდე გიგის ვაკრიტიკებდი ასევე ხშირად, ვინც არ იცის. და იმედია ბევრს ახსოვს.
ზოგადად დანაშაული თუ არსებობს, მას უნდა ვებრძოლოთ, მაგრამ არა ხელისუფლებაში მოსვლიდან 8 წლის შემდეგ.
დღეს მისი დაკავება პოლიტიკურია. ისევე როგორც ხაზარაძის წინააღმდეგ მიმდინარე პროცესი, ან თუნდაც ირაკლი ოქრუაშვილის და 20 ივნისის სხვა დაკავებულების საქმეები.
კიდევ ერთი პოლიტიკური პატიმარი და უკანგადადგმული ნაბიჯი. პოლიტიკური დევნა უნდა დასრულდეს!", - აცხადებს უჩა ნანუაშვილი.
უზენაესმა სასამართლომ გიგი უგულავა დამნაშავედ ცნო. სასამართლომ უგულავას დამატებით 3-წლიანი პატიმრობა მიუსაჯა.
გიგი უგულავას პროკურატურა თბილისის მერობის პერიოდში თბილისის განვითარების ფონდიდან 48 მილიონი ლარის მითვისება-გაფლანგვას ედავება.
