"ერთიანი ნაციონალური მოძრაობის" თავმჯდომარე გრიგოლ ვაშაძე უარყოფს გავრცელებული ხმებს იმასთან დაკავშირებით, რომ მიხეილ სააკაშვილთან კონფლიქტის გამო, პარტიის თავმჯდომარის პოსტიდან მიდის.
აღნიშნულის შესახებ გრიგოლ ვაშაძემ ჟურნალისტებს "ლეიბორისტული პარტიის" ოფისში ოპოზიციის ლიდერების შეხვედრის დაწყებამდე უთხრა.
"წავედი მარტო დალაი-ლამას და რომის პაპის თანამდებობებიდან და "ნაციონალურ მოძრაობაში" ვრჩები. ყველა სისულელეს რატომ უსმენთ?! რამდენი მოცლილი რაღაცას დაწერს, ყველაფერს რატომ უსმენთ?! როგორ წარმოგიდგენიათ ჯერ ჩემი და მიხეილ სააკაშვილის კონფლიქტი და მერე ის, რომ მე გადავდექი ისე, რომ ეს ვიღაცამ იცის და არ მივმართე პარტიას?!", - აღნიშნა ვაშაძემ.
