"ბელორუსმა რომ აფხაზეთისა და სამხრეთ ოსეთის დამოუკიდებლობა არ აღიარა, ამაში ბრალი რუსეთის ხელისუფლებას მიუძღვის", _ განაცხადა ბელორუსის პრეზიდენტმა ალექსანდრე ლუკაშენკომ რუსი ჟურნალისტებისთვის გამართულ პრესკონფერენციაზე.
"ჩვენ, რა თქმა უნდა, ეს უნდა გაგვეკეთებინა და მზად ვიყავით კიდეც, მაგრამ დასავლეთი ამისთვის ბელორუსს სანქციები დაემუქრა, რუსეთის პრეზიდენტმა კი ამ შემთხვევაში ჩვენს მხარდაჭერაზე უარი განაცხადა. ვუთხარი მედვედევს, _ დამიჭერ მხარს? მან მიპასუხა: სიტყვა-სიტყვით გეუბნებით: "მოდი ნუ ვივაჭრებთ, ეს სხვადასხვა თემაა". საუბრის გაგრძელებას აზრი არარ ჰქონდა", _ განაცხადა ლუკაშენკომ და დასძინა, რომ ამის შემდეგ საერთაშორისო სავალუტო ფონდმა ბელორუსს 3, 8 მილიარდო აშშ დოლარი გამოუყო, რუსეთმა კი "არ გამოყო არაფერი".
"მარტო ბელორუსმა არ აღიარა აფხაზეთი და სამხრეთ ოსეთი?! ჩემი აზრით, ისეთი სახელმწიფო მსოფლიოში საერთოდ არ არსებობს, რომლებმაც აფხაზეთი და სამხრეთ ოსეთი აღიარა, გარდა რაღაც კუნძულისა. ვენესუელას არავითარი დოკუმენტი არ მიუღია. კი განაცხადა, ვაღიარებო, მაგრამ დოკუმენტებამდე საქმე არ მისულა. ასეა ზუსტად სხვა სახელმწიფოებიც", _ აცხადებს ლუკაშენკო და აღნიშნავს, რომ რუსეთისა და ბელორუსის ურთიერთობიდან გამომდინარე, ბელორუსს უნდა ეღიარებინა აფხაზეთი და ე. წ. სამხრეთ ოსეთი.
"რაც არ უნდა იყოს, რუსეთი ჩვენი მოკავშირეა", _ აცხადებს ლუკაშენკო.
