"გირჩის" მიერ დაფუძნებული რელიგიური ორგანიზაცია "ბიბლიური თავისუფლება" საკუთარ მღვდელმსახურებს მონანიებისა და ეკლესიის მსახურებიდან გასვლის შესაძლებლობას აძლევს.
მღვდელმსახურის სტატუსის გასაუქმებლად, "ბიბლიური თავისუფლების" წევრები "გირჩის" ოფისში, ბესიკის 4-ში, ორშაბათიდან პარასკევის ჩათვლით, 14:00-დან 17:00 საათამდე უნდა მივიდეს.
წარმოსადგენი დოკუმენტაცია - პირადობის მოწმობა, გაცემული მოწმობა, მისი ასლი ან კურთხევის საფასური.
მონანიების საფასური: 50 ლარი.
შეგახსენებთ, რომ "გირჩმა" "ბიბლიური თავისუფლება" ორი წლის წინ, ახალგაზრდების სავალდებულო სამხედრო სამსახურიდან გასათავისუფლებლად დააფუძნა. ამ დროისთვის რელიგიურ ორგანიზაციას 30 ათასამდე მღვდელმსახური ჰყავს.
