საქართველომ სამ რუსულ კომპანიას საქართველოში ხორცპროდუქტების, კერძოდ, ძროხის, ღორისა და ფრინველის ხორცის საქართველოში გაყიდვის ლიცენზია მიანიჭა. იტყობინება რუსეთის ვეტერინარიისა და ფიტოსანიტარული ზედამხედველობის ფედერალური სამსახური
"ხორცპროდუქტების მწარმოებელი რუსული საწარმოების შემოწმების შედგად, რომელიც 2019 წლის აპრილში განხორციელდა საქართველოს სურსათის ეროვნული სამსახურის სპეციალისტების მიერ, ბრიანსკისა და ბელგოროდის რეგიონებში მდებარე სამმა კომპანიამ საქონლის, ღორისა და ფრინველის ხორცის გაყიდვის უფლება მიიღო", - ნათქვამია უწყების განცხადებაში.
აღნიშნულთან დაკავშირებით, რუსული სააგენტო "რია" წერს, რომ ქართული მხარის განცხადებით, რუსული საწარმოებიდან ხორცპროდუქტების ექსპორტი შესაძლებელია ქართული ვეტერინარული სამსახურის დამატებითი შემოწმების გარეშე.
