ქუთაისში მშენებარე კორპუსის მეოთხე სართულიდან მუშა გადავარდა. შემთხვევა გუშინ, 27 ოქტომბერს, ნიკეას ქუჩაზე მოხდა. დაშავებული აზერბაიჯანის მოქალაქეა, რომელიც მოტეხილობებით საავადმყოფოში გადაიყვანეს.
ექიმების ინფორმაციით, დაშავებულს ორი ოპერაცია ჩაუტარდა და მისი ჯანმრთელობის მდგომარეობა სტაბილურია.
კომპანიაში განმარტავენ, რომ სამშენებლო მოედანზე უსაფრთხოების ნორმები დაცულია და ფაქტი დაუდევრობას უკავშირდება, რადგან დაშავებულს არ ეკეთა უსაფრთხოების ქამარი.
სამშენებლო სამუშაოებს კომპანია "თ მ" შინაგან საქმეთა სამინისტროს დაკვეთით ასრულებს. ადგილზე სამინისტროს თანამშრომლებისთვის ორი თერთმეტსართულიანი კორპუსი შენდება.
