საქართველოს დელეგაციის ოფიციალური შეხვედრები, რომელიც გაეროს გენერალური ასამბლეის ფარგლებში აშშ-ში გაიმართა, დასრულდა.
საგარეო საქმეთა მინისტრის გრიგოლ ვაშაძის განცხადებით, შეხვედრების შედეგად საქართველოს პოლიტიკური კავშირების არეალი, განსაკუთრებით კი აზიისა და აფრიკის მიმართულებით, მნიშვნელოვნად გაფართოვდა. ერთ-ერთ მთავარ შედეგად მინისტრი საქართველოს ტერიტორიული მთლიანობის შესახებ რუსეთის დელეგაციის პოზიციების იგნორირებას ასახელებს.
"განსაკუთრებით მნიშვნელოვანია, რომ უცხო ქვეყნების დელეგაციების უმრავლესობამ ოკუპირებულ ტერიტორიებთან და რუსეთის აგრესიასთან დაკავშირებით, საქართველოს ხელისუფლების პოზიცია გაიზიარა. ასევე, იყო საუბარი იმაზე, თუ როგორ შეიძლება იქცეს კავკასია უსაფრთხო რეგიონად. რუსეთის დელეგაციამ, მცდელობის მიუხედავად, ზეწოლა მოეხდინა სხვადასხვა ქვეყნების დელეგაციებზე, შედეგს ვერ მიაღწია", - აცხადებს ვაშაძე.
10 დღიანი ვიზიტის ფარგლებში საქართველოს დელეგაციამ 80-ზე მეტი შეხვედრა გამართა.