შემოსავლების სამსახურმა ახალი პროგრამა "Tracker7" დანერგა, რომლის პრეზენტაციახ დღეს, 29 სექტემბერს, მსხვილგადამხდელთა დეპარტამენტში გაიმართება. შემოსავლების სამსახურის ინფორმაციით, აშშ-ის საელჩო შემოსავლების სამსახურს გადმოსცემს კომპიუტერულ ქსელურ პროგრამას " Tracker 7"-ს, რომელიც საშუალებას იძლევა საბაჟო ორგანოში საქონლის საზღვარზე შემოტანა-გატანის, ელექტრონული პროგრამის დახმარებით მიიღოთ ნებართვა.
აღნიშნულ პროგრამაში გაერთიანებულია რამდენიმე სამინისტროს ნებართვები (საქართველოს თავდაცვის, ეკონომიკური განვითარების, გარემოს დაცვისა და ბუნებრივი რესურსების სამინისტრო). ელექტრონული პროგრამა მომხმარებლებს უმარტივებს ნებართვის აღების პროცედურებს, შესაბამისად "ერთი სარკმლის პრინციპით" შესაძლებელია განხორციელდეს კონკრეტულ საკითზე ნებართვის გაცემა.