წამყვანი ტექნოლოგიური კომპანია HP საქართველოს თავისუფალი ეკონომიკური ზონებით ინტერესდება.
ეკონომიკისა და მდგრადი განვითარების სამინისტროს ინფორმაციით, მსოფლიოში ერთ-ერთი წამყვანი ტექნოლოგიური კომპანია HP საქართველოს თავისუფალი ეკონომიკური ზონებით დაინტერესდა. ამერიკაში ეკონომიკის და მდგრადი განვითარების მინისტრის "სილიკონის ველში" ვიზიტის ფარგლებში კომპანია HP-ისთვის წარმოდგენილ იქნა ინფორმაცია საქართველოში მიმდინარე დადებითი ცვლილებების, ბიზნესკლიმატის მკვეთრი გაუმჯობესების, ბიზნესის განვითარების სიმარტივის, საქართველოს სატრატეგიული ადგიმდებარეობის შესახებ. ასევე გაცნობილ იქნა ინიციატივა თავისუფალი ეკონომიკური ზონების შესახებ.
როგორც ვერა ქობალიას უწყებაში განმარტავენ, კომპანია HP-ში აღნიშნულმა ინფორმაციამ საკმაოდ დიდი ინტერესი გამოიწვია. გაცხადებულ იქნა ინტერესი საქართველოს თავისუფალი ეკონომიკური ზონებით. საკითხის შესასწავლად ოქტომბრის მეორე ნახევარში საქართველოს HP-ის წარმომადგენლობითი დელეგაცია ეწვევა.
