საქართველოს ტექნიკურ უნივერსიტეტში, 2019 სასწავლო წლისათვის, მოდულურ პროფესიულ საგანმანათლებლო პროგრამებზე საშემოდგომო მიღებაზე რეგისტრაცია დღეს, 2 ოქტომბერს დაიწყო და 15 ოქტომბრის ჩათვლით გაგრძელდება.

რეგისტრაციის გავლა შესაძლებელია ყოველდღე, კვირის გარდა, 10:00-დან 16:00 საათამდე, (შაბათს 11:00-დან 14:00 საათამდე), მისამართზე: თბილისი, კოსტავას 77, ტექნიკური უნივერსიტეტის ადმინისტრაციული კორპუსი, მე-3 სართული, ოთახი №352.

რეგისტრაციის მსურველებმა უნდა წარმოადგინონ პირადობის დამადასტურებელი მოწმობა. 

აპლიკანტებს, ასევე,  საშუალება ეძლევათ, რეგისტრაცია გაიარონ ონლაინ რეჟიმშიც, ვებგვერდის მეშვეობით: www.vet.emis.ge  

ინფორმაცია პროფესიული ტესტირების შესახებ და, ასევე, ტესტების ნიმუშები განთავსებულია სსიპ შეფასებისა და გამოცდების ეროვნული ცენტრის ვებგვერდზე www.naec.ge 

საქართველოს ტექნიკური უნივერსიტეტი საშემოდგომო მიღებას შემდეგ მოდულურ პროფესიულ საგანმანათლებლო პროგრამებზე აცხადებს:

·სამრეწველო ავტომატიზაცია

·მაღალი ძაბვის ელექტროტექნიკოსი

·არქიტექტორ-ტექნიკოსი

·ჰაერის კონდიცირება

·საოფისე საქმე

·სატვირთვო გადაზიდვების ლოგისტიკა

·ღონისძიების ორგანიზება

·ავტომობილის ელექტრული სისტემების შეკეთება

·ავტომობილის ძრავის შეკეთება

·სამკერვალო წარმოება

·ფეხსაცმლისა და ტყავის ნაკეთობათა წარმოება  

·საბაჟო საქმე

·გრაფიკული დიზაინის შესრულება

·ხის მხატვრული დამუშავება

·სარკინიგზო გადაზიდვები.

სტუ-ის სამთო-გეოლოგიური ფაკულტეტის ტყიბულის სამთო-ტექნოლოგიური ინსტიტუტის  მოდულური პროფესიული საგანმანათლებლო პროგრამებია:

·სამთო ტექნიკოსი

·სამთო ელექტრომექანიკოსი

·მყარი წიაღისეულის გამდიდრების ტექნოლოგიის სპეციალისტი

·მღებავი

·მებათქაშე

·ინფორმაციული ტექნოლოგიის მხარდაჭერა.

სტუ-ის აგრარული მეცნიერებებისა და ბიოსისტემების ინჟინერინგის ფაკულტეტის დიდი ჯიხაიშის ნ. ნიკოლაძის სახელობის აგროინჟინერიისა და სასურსათო ტექნოლოგიების მოდულური პროფესიული საგანმანათლებლო პროგრამებია:

·მევენახეობა

·მეფუტკრეობა

·ინფორმატიის ტექნოლოგიის მხარდაჭერა

·ბუღალტრული აღრიცხვა.

საქართველოს ტექნიკური უნივერსიტეტის მოდულურ პროფესიულ საგანმანათლებლო პროგრამებზე რეგისტრაციის გავლის მსურველებისთვის დეტალური ინფორმაციის მოძიება შესაძლებელია ბმულზე: http://gtu.ge/News/13296/