ვაზიანი-გომბორი-თელავის საავტომობილო გზა უახლეს დღეებში ოფიციალურად გაიხსნება. ამის შესახებ ჟურნალისტებს რეგიონალური განვითარებისა და ინფრასტრუქტურის მინისტრმა რამაზ ნიკოლაიშვილმა განუცხადა.
"ვაზიანი-გომბორი-თელავის გზის მშენებლობა უკვე დასრულებულია და ის რამდენიმე დღეში გაიხსნება. იქ ინფრასტრუქტურის მოწყობაცაა დაგეგმილი. ეს ძალიან მნიშვნელოვანი ობიექტია, რომლიც დედაქალაქიდან თელავში ჩასვლას ერთი საათით ამცირებს", - განაცხადა ნიკოლეიშვილმა.
მისი თქმით, ე. წ. გომბორის გზა მსოფლიო ბანკის დირექტორმა მოინახულა და აღნიშნა, რომ გზის საფარი თანამედროვე სტანდარტებს აკმაყოფილებს.
შეგახსენებთ, რომ ე. წ. გომბორის გზის 55 კ.მ. მონაკვეთის მშენებლობაზე 43 მილიონი დაიხარჯა. პროექტი მსოფლიო ბანკის და საქართველოს მთავრობის თანადაფინანსებით განხორციელდა.
