მთავრობა არარენტაბელური სახელმწიფო საწარმოების გაყიდვასა და მართვის ოპტიმიზაციას გეგმავს. "მეწარმეთა შესახებ კანონში" მორიგი ცვლილებები შედის. მთავრობის მიერ უკვე მომზადებულია კანონპროექტი, რომელიც წამგებიანი საწარმოების გაერთიანებას (გამსხვილებას) ითვალისწინებს, ხელისუფლებას იმედი აქვს, რომ "ერთი ქოლგის ქვეშ" თავმოყრილი საწარმოებით შემდგომ ინვესტორები უფრო დაინტერესდებიან და იმავდროულად სახელმწიფოსაც ასეთი საწარმოების მართვა უფრო გაუიოლდება.
"მეწარმეთა შესახებ კანონში" შესატანი ცვლილებების მიხედვით, იმ სახელმწიფო საწარმოების ლიკვიდაცისას, სადაც სახელმწიფო 50 %-ზე მეტს წილს ფლობს, მისი კუთვნილი უძრავ-მოძრავი ქონების აღწერა და მისი დარეგისტრირება უნდა მოხდეს. დღეისათვის არსებული ნომრებით ასეთი ქონების რეგისტრაცია სავალდებულო არაა. შესაბამისად მეტწილად საწარმოების ქონება დარეგისტრირებული არ არის.
საწარმოთა ოპტიმიზაციის ფონზე, ეტაპობრივად ამ საწარმოების განკერძოებას მოხდება და ახალი მფლობელი მოგებაზე იქნება ორიენტირებული და წამგებიან რეჟიმზე აღარ იმუშავებს.
"მეწარმეთა შესახებ კანინში" შესატანი ცვლილებების თანახმად, ლიკვიდაციისას საწარმოს ანგარიშზე არსებული თანხები ამ საწარმოს ანგარიშზე დარჩება და ის საწარმოს ლიკვიდაციის ხარჯებს მოხმარდება და მისი განკარგვა ლიკვიდაციის გეგმის შესაბამისად მოხდება.
თუმცა უნდა აღინიშნოს, რომ ლიკვიდაციის წესი არ გავცელდება სტრატეგილი დანიშნულების ობიექტებზე.
ამჟამად სახელწიფოს მართვის სააგენტოს ბალასზე სახელმწიფო წილით 1200-მდე საწარმო ირიცხება.