კამპანია #აქედანაცსირცხვილიას ფარგლებში, ალპინისტმა ზურა კვესიტაძემ "სირცხვილიას" მხარდამჭერი ბანერი მყინვარწვერზე აიტანა. შესაბამისი ფოტომასალა სოციალურ ქსელში გამოქვეყნდა.~
ალპინისტი ზურა კვესიტაძე და მისი მეგობრები მყინვარწვერიდან მოუწოდებენ საზოგადოებას, 20 სექტემბერს მასშტაბურ საპროტესტო აქციაში მონაწილეობისკენ.
მოძრაობა "სირცხვილია" 20 ივნისის ღამეს, სამართალდამცავების მიერ ანტისაოკუპაციო აქციის დაშლის შემდეგ ჩამოყალიბდა. აქციის მონაწილეები 78-ე დღეა არ წყვეტენ პროტესტს და ითხოვენ შინაგან საქმეთა მინისტრისა და პრემიერ-მინისტრობის კანდიდატის, გიორგი გახარიას გადადგომას.
