აჭარის ფინანსთა და ეკონომიკის მინისტრი ჯაბა ფუტკარაძე ბათუმის შოთა რუსთაველის სახელმწიფო უნივერსიტეტის სტუდენტებს შეხვდა.
სამშენებლო და არქიტექტურის სპეციალობის სტუდენტებთან შეხვედრისას მინისტრმა ამ პროფესიების მნიშვნელობაზე ისაუბრა და მათ ამ კუთხით მიმდინარე და დაგეგმილი პროექტები გააცნო.
ჯაბა ფუტკარაძემ სტუდენტებს აჭარაში მიმდინარე სამინისტროს მასშტაბური ინფრასტრუქტურული პროექტების განხორციელების პროცესის გაცნობა და პრაქტიკული გამოცდილების მიღება შესთავაზა.
დღეისთვის აჭარის ფინანსთა და ეკონომიკის სამინისტროში სასწავლო პრაქტიკას, ტექნოლოგიური ფაკულტეტის 10 სტუდენტი გადის.