ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრი კობა სუბელიანი გაეროს განვითარების პროგრამის ხელმძღვანელს საქართველოში ჯეიმი მაკგოლდრიკს შეხვდა. მხარეებმა დევნილთა გრძელადიან განსახლებაზე იასუბრეს და მათი "გამოსახლების" საკითხსაც შეეხნენ.
მინისტრმა ისაუბრა 2008 წლის აგვისტოს ომის შემდეგ, 3 თვეში წეროვანში 7000-მდე ოჯახის ბინებში განსახლება როგორ მოხერხდა, ასევე ისაუბრა დევნილთა ახალ ჩაახლებებსა და დევნილთა გასახლების შემდგომ ეტაპებზე.
ერთ-ერთი საკითხი, რაზეც მინისტრმა კობა სუბელიანმა სატუმართან შეხვედრისას ახსენა, ცნობილი გამოსახლებების საკითხი იყო.
"მიმაჩნია, ჩვენი პოზიცია უნდა იცოდეთ და გახმოვანებულ გამოსახლებებზე. 2008 წლის ომიდან 3 თვეში პირველი განსახლება განვახორციელეთ წეროვანში, 7 000-მდე ოჯახმა მიიღო ბინა ან კოტეჯი სხვადასხვა ჩასახლებებში. 2010 წელს განხორციელდა კოლექტიური ცენტრებიდან განსახლება. საინფორმაციო საშუალებების მხრიდან საკმაოდ სუბიექტური გამოხმაურება მოყვა ამას. ჩვენ შევთანხმდით ევროკავშირთან და გაეროსთან, რომ განსახლების კრიტერიუმები უფრო გამჭვირვალე გამხდაიყო. ამ მიმართულებით თუ რამე შეკითხვა გაქვთ, მზად ვარ გიპაუხოთ", - აღნიშნა მინისტრმა.
გაეროს განვითარების პროგრამის ხელმძღვანელს საქართველოში ჯეიმი მაკგოლდრიკის თქმით, ის მხარს უჭერს პროცესების დახვეწას. ასევე აღნიშნა, რომ გაეროს განვითარების პროგრამა ეხმარება საქართველოს მთავრობას.
"ჩვენ ყველაფრით დაგეხმარებით. ის სურათი, რაც დაიხატა, არ არის სწორი და სამართლიანი. ჩვენ პრეტენზიებს და კრიტიკას კი არ უნდა დავუპირისპირდეთ, არამედ პოზიტიური კუთხით უნდა წარმოვაჩინოთ მიმდინარე პროცესები. პიტერ ნიკოლაუსი (გლუკ-ის წარმომადგენელი საქართველოში) გვატყობინებს ყველა იმ გამოწვევას, რაც გამოსახლების პროცესს ახლავს. ვფიქრობ, თუ საჭირო იქნება, სამეთვალყურეო საბჭოს საქმიანობაშიც ჩავერთვები, ხანდახან თავადაც დავესწრები. პერიოდულობით შევხვდეთ მიმდინარე პროცესები განვიხილოთ. ჩემი ოფისის კარი ყოველთვის ღიაა თქვენთვის. ჩვენგან დიდი მხარდაჭერა გექნებათ", _ განაცხადა ჯეიმი მაკგოლდრიკმა.
შეხვედრის დასასრულს მხარეები სამომავლო მჭიდრო თანამშრომლობასა და ინფორმაციების გაცვლაზე შთანხმდნენ.