აზერბაიჯანის დედაქალაქ ბაქოში ძიუდოში მიმდინარე გრანდ სლემზე, ბოლო დასკვნით, 19 წლის ქართველმა გელა ზაალიშვილმა ოქროს მედალი მოიპოვა.
ზაალიშვილმა 100 კილოგრამის ზემოდ წონით კატეგორიაში გაიმარჯვა. ფინალურ შერკინებაში ქართველმა ძიუდოისტმა რუსეთის წარმომადგენელი რუსლან შაჰბაზოვი დაამარცხა.
ზაალიშვილის ოქროს წყალობით საქართველოს ნაკრებმა საერთო გუნდურ ჩათვლაში მეორე ადგილი დაიკავა.
საქართველოს ნაკრებისთვის ეს მედალი ბაქოს ტურნირზე მესამე გახდა. ადრე „დიდი სლემის“ ვიცე-ჩემპიონის ტიტული თემურ ნოზაძემ (-60 კგ) მოიპოვა, ხოლო მესამე ადგილის მფლობელი ტატო გრიგალაშვილი (-81 კგ) გახდა.
